Norsk Bonde- og Småbrukarlag støttar pelsdyrnæringa
08.januar, 2014
- Vi er skuffa over at Arbeiderpartiet går til åtak på distriktsnæringa pelsdyr. Dette seier
Merete Furuberg,leiar i Norsk Bonde- og småbrukarlag (NBS). Søndag vedtok
landsmøtet i Ap styrt avvikling av pelsdyrnæringa.
Norsk Bonde- og Småbrukarlag går mot styrt avvikling av pelsdyrnæringa. Pelsdyrhald er ei viktig distriktsnæring i fleire fylker og ein god ressursutnyttar andsynes slakteavfall. Næringa er underlagt eit strengt regelverk, og NBS meiner norsk pelsdyrnæring i det store og heile blir drive godt.
Det er å retta bakar for smed når Ap med grunnlag i enkelte brot på regelverket vedtek
å avvikla heile næringa, seier Furuberg. Avvik må slåast hardt ned på.
Furuberg peikar på at industrielt drive pelsdyrhald, tilliks med i andre produksjonar, aukar risikoen for dårleg dyrevelferd. Tilhøva i næringa er god, og NBS er skuffa over Aps overreaksjon.
NBS går mot styrt avvikling av pelsdyrnæringa.
